Er jóla- og/ella nýggjárssamvera ásett í samveruskjali í Familjufyrisitingini ella "samværsresolution" frá Rìkisumboðnum, stendur ofta at samvera byrjar síðsta skúladag áðrenn jólafrítíðina hjá fólkaskúlunum í Føroyum. 

Í ár er jólafrítíðin sett at byrja eina viku fyrr enn ætlað. Tí er síðsti skúladagur áðrenn jólafrítíðina í dag, 15. desember 2021.

Hava foreldur samveruavtalu ella samveruavgerð um jóla- og/ella nýggjárssamveru frá Familjufyrisitingini ella Ríkisumboðnum, har tað stendur, at samvera byrjar síðsta skúladag áðrenn jólafrítíðina, byrjar samveran sostatt í dag, 15. desember 2021.