1. januar 2024 økjast upphæddirnar á barnagjøldum. Vanligt barnagjald er nú 1.162 kr. mánaðarliga.

Harafturat eru inntøkuupphæddirnar í leiðreglunum fyri útrokning av øktum barna-/útbúgvingargjaldi broyttar.

Upphæddirnar verða ásettar við Kunngerð um áseting og javning av almannaveitingum hvørt ár og hava gildi frá 1. januar. 

Sí nýggjastu gjaldsupphæddirnar her.

Rindan av barnagjaldi

Verður barnagjald rindað beinleiðis frá gjaldskylduga til gjaldmóttakara, er tað gjaldskyldugi, ið hevur skyldu at broyta gjaldið samsvarandi møguligum broytingum pr. 1. januar hvørt ár.

Fær gjaldmóttakari ikki rætta upphædd frá gjaldskylduga, kann gjaldmóttakari seta seg í samband við Almannaverkið og biðja um at fáa gjaldið forskotsrindað. TAKS innheintar síðan gjaldið av inntøku hjá gjaldskylduga.

Umsókn um forskotsrindan av barnagjaldi er at finna her.

Eitt gjaldskjal frá Familjufyrisitingini skal leggjast við umsóknini til Almannaverkið. Hevur Familjufyrisitingin ikki ásett barnagjald áður, er neyðugt at søkja Familjufyrisitingina fyrst, soleiðis at eitt gjaldskjal kann útflýggjast. Umsókn um at áseta barnagjald er at finna her.

Verður barnagjald rindað og innheintað av tí almenna, broyta Almannaverkið og TAKS upphæddirnar pr. 1. januar.