Familjufyrisitingin hevur nú formliga fingið til uppgávu frá Løgmálaráðnum at meta um útlendsk familjurættarlig skjøl fyri viðkomandi myndugleikar, um ivi er um, hvørt eitt útlendskt skjal er ektað og/ella um innihaldið í skjalinum kann viðurkennast.

Talan kann vera um útlendsk føði- og dóps-/navnabrøv, vígsluskjøl, sundurlesingar-/hjúnaskilnaðarloyvi, deyðsváttanir, foreldramyndugleikaváttanir, faðirskaparváttanir og tílíkt.

Familjufyrisitingin hevur bert skyldu at meta um skjøl fyri viðkomandi myndugleikar – ikki einstakar persónar – og metingin hjá Familjufyrisitingini er vegleiðandi.

Viðkomandi myndugleikar kunnu venda sær til Familjufyrisitingina fyrri nærri kunning og vegleiðing hesum viðvíkjandi.