12 sep 2018
Nógv fólk til móttøku í Familjufyrisitingini

Týsdagin 4. september 2018 varð stovnsetingin av Familjufyrisitingini hátíðarhildin í nýumvældu hølunum undir Bryggjubakka.

- Tað kennist rætt, at tað nú eru føroyskir myndugleikar, sum varða av, tí onkursvegna kendist tað ikki rætt, at fólkið í Føroyum, í so viðkvomum og persónligum málum, í veruleikanum skuldi venda sær til myndugleikan í einum øðrum landi fyri at fáa hjálp.

Soleiðis segði Sirið Stenberg, landsstýriskvinna í Heilsu- og innlendismálum, millum annað, í røðu sínari. Les alla røðuna á heimasíðuni hjá Heilsu og innlendismálaráðnum her.

Ríkisumboðið Lene Moyell Johansen og Monica Hjelm Rasmussen, fakligur stjóri í Familjufyrisitingini, bóru eisini fram nøkur orð.

Stóra tøkk til tykkum øll, ið sýndu Familjufyrisitingini áhuga og komu við gávum á móttøkudegnum.

Familjufyrisitingin

 

+298 20 22 24
Undir Bryggjubakka 27
100 Tórshavn
Aftur