Er felags foreldramyndugleiki, kunnu bæði foreldur sjálvi velja, hvussu tey lúka sína uppihaldsskyldu í sambandi við ferming hjá barni teirra (ella tá ið barnið er í fermingaraldri) . Eitt foreldur verður vanliga mett at lúka sína uppihaldsskyldu, um tað, áðrenn ella eftir fermingina (ella tá ið barnið er í fermingaraldri), hevur hátíðarhildið barnið ella ferming barnsins - til dømis hildið veitslu fyri barninum ella ferðast við barninum í samanhangi við fermingina. Um foreldur verður mett at halda sína uppihaldsskyldu, verður fermingar-/klædnagjald ikki ásett. 

Ein gáva frá einum foreldri til barnið, er sum meginregla ikki at meta sum, at uppihaldsskyldan í sambandi við ferming (ella tá ið barnið er í fermingaraldri) er lokin.

Býr gjaldskyldugi í Danmark, skal umsókn um fermingargjald (konfirmationsbidrag) latast Familieretshuset. Familieretshuset skal hava móttikið umsóknina í seinasta lagi dagin innan fermingina. Søkjast kann í fyrsta lagi tríggjar mánaðir innan fermingina. 

Skal barnið ikki fermast, kann søkjast um áseting av klædnagjaldi (beklædningsbidrag). Les meira um mannagongd í sambandi við áseting av fermingar- og klædnagjaldi í Danmark á heimasíðuni hjá Familieretshuset her.

Móttekur Familjufyrisitingin umsókn um fermingar-/klædnagjald, har gjaldskyldugi býr í Danmark, verður umsóknin send víðari til Familieretshuset til viðgerðar. Í slíkum føri skal umsóknarfreistin í Familieretshuset verða hildin.