Hjúnasáttmálar

Ein hjúnasáttmáli er ein avtala millum hjúnafelagar um ognarviðurskifti, sum er gjørd áðrenn ella í hjúnalagnum.
Gávur millum hjúnafelagar, sum eru út yvir tað vanliga, skulu gevast gjøgnum hjúnasáttmála.

Avtalur millum hjúnafelagar um, at felagsogn skal vera serogn, ella at serognir skulu vera felagsogn, skulu somuleiðis gerast við at skriva hjúnasáttmála. Um hjúnasáttmáli ikki verður gjørdur, er alt felags ogn. Tað vil siga, at øll ogn verður deild við deyða ella hjúnaskilnaði. Hjúnafelagarnir kunnu við hjúnasáttmála avtala, at serogn skal vera í hjúnabandinum. Tær ognirnar, ið eru undir serognini verða ikki deildar við deyða ella hjúnaskilnað.

Hjúnasáttmálar tinglýsast

Allir hjúnasáttmálar skulu tinglýsast, men í nøkrum førum skal sáttmálin góðkennast av Familjufyrisitingini frammanundan. Sí meira um góðkenning niðanfyri.

Tað er Umhvørvisstovan, sum umsitur tinglýsingar. Les meira um tinglýsing her og setið tykkum í samband við Umhvørvisstovuna, um tit hava hjúnasáttmála, sum skal tinglýsast. 

Góðkenning frá Familjufyrisitingini

Summir hjúnasáttmálar skulu góðkennast av Familjufyrisitingini, áðrenn teir kunnu tinglýsast.

Tað snýr seg um hjúnasáttmálar, har ognir verða fluttar kostnaðarleyst millum hjúnafelagar og eru gjørdir aftaná, at partarnir eru giftir.

+298 20 22 24
Undir Bryggjubakka 27
100 Tórshavn